Transcription
1
Monseigneur, je vous escrivis hier par un petit garson
2que le segneur Ferrand maddressa et oublyay [barré : y ] mectre
3
dans mon pacquet celuy de monsieur le president de Portes,
4
que jay depuys baillé au laquès de madame de
5
Bressieux, de la quelle je receu hier une lettre par la
6
quelle elle montre prendre en bone part lexcuse que je
7
luy ay faict de naller poinct aux obsèques de feu
8
monsieur de Bressieux ; pour ne sourtir guères et parler à
9
peu de gens, je ne scay rien que vous escrire, sinon
10
que ce matin monsieur de La Frette mest venu veoir si doulant
11
de la mauvaise opinion quil plaict à monsieur des Adrés
12avoir de luy. Je ne doubte quil [barré : v ] ne vous avoiye
13
dict pour le moins aultrement, car il ma dict vous en avoir
14
parlé. Il dict que Famanguse est prinse, ce que je ne croys.
15Il me [barré : parla en plus ] dict encor rien que je sache de larrivée à Vienne de
16
monsieur de Nevers. Par les premières que on aura de la
17
cour, on en scaura que cest de cest abouchement de monsieur
18
ladmiral à peine que monsieur le premier president sen
19revienne que naye veu [barré : et ] ou entendu que [barré : ce ] cen est
20
et sil est ainsi nous ne laurons gueres plus tost que la
21
toussainctz.
22
Monseigneur, je me recommande très humblement à votre
23
bone grace et supplie le Createur quil vous done
24
en parfaicte santé très longue et heureuse vie. De
25
Grenoble, ce XXIe jour de septembre 1571.
26
Votre très humble et très affectionné
27
serviteur
28
Bellievre